لندن جا نے کا سوچ رہے تھے مگر قسمت کو کچھ اور منظور تھا ، کرونا میں مبتلا بھارتی سپر سٹار کے مداحوں کیلئے بڑی خبر آگئی

اسلا م آباد (مانیٹرنگ ڈیسک ) لندن جا نے کا سوچ رہے تھے مگر قسمت کو کچھ اور منظور تھا ، کرونا میں مبتلا بھارتی سپر سٹار آفتاب  شیو داسانی کے مداحوں کیلئے بڑی خبر آ گئی ،،،کورونا وائرس کی تشخیص کے تقریبا 15 روز بعد بولی وڈ اداکار آفتاب شیو داسانی

صحتیاب ہوگئے اور اب ان کا ٹیسٹ منفی آیا ہے۔ بولی وڈ اداکار نے انسٹاگرام پر اپنے مداحوں کے ساتھ یہ خبر شیئر کی اور انہیں محفوظ رہنے پر زور دیا۔ 11ستمبر کو اداکار نے سوشل میڈیا پر جاری ایک طویل پوسٹ میں عالمی وبا کا شکار ہونے کا اعلان کیاتھا، انہوں نے بتایا تھا کہ حال میں ان میں کورونا وائرس کی کچھ علامات جیسا کہ خشک کھانسی اور ہلکا بخار ہوا تھا جس کے باعث اداکار نے اپنا کورونا وائرس کا ٹیسٹ کرایا تھا۔ اداکار کے مطابق بدقسمتی سے ان کے کورونا وائرس ٹیسٹ کے نتائج مثبت آئے، ڈاکٹرز اور حکام کی طبی نگرانی کے تحت انہیں گھر میں قرنطینہ کی ہدایت کی گئی۔ اب آفتاب شیو داسانی نے اپنی پوسٹ میں یہ لکھا کہ میں آپ کو بتاتے ہوئے بہت خوش اور پُرسکون ہوں کہ میں نے دوبارہ کورونا وائرس کا ٹیسٹ کروایا تھا جو منفی آیا ہے۔ اس کے ساتھ ہی اداکار نے نیک خواہشات کا اظہار کرنے پر مداحوں کو شکریہ بھی ادا کیا۔ انہوں نے لکھا کہ ‘ برائے کرم یہ جان لیں کہ یہ بیماری بہت قابل علاج ہے اور 20 فیصد سے بھی کم کیسز تشویشناک ہوتے ہیں جنہیں ہسپتال میں داخل کرنے کی ضرورت ہوتی ہے۔ آفتاب شیوداسانی نے لکھا کہ زیادہ تر لوگ گھر میں دوا لینے سے صحتیاب ہوجاتے ہیں لہذا اگر بدقسمتی سے آپ اس کا شکار ہوجاتے ہیں تو خوف و ہراس کا شکار نہ ہوں۔ انہوں نے عوام سے ایک مرتبہ پھر سماجی فاصلہ برقرار رکھنے اور وبا ختم ہونے تک ماسکس اور سینیٹائزرز کے استعمال کی درخواست بھی کی۔ ہندوستان ٹائمز کی رپورٹ کے مطابق کورونا وائرس کا شکار ہونے کے بعد ایک انٹرویو میں انہوں نے کہا تھا کہ وہ اس کے لیے تیار نہیں تھے اور اہلخانہ سے ملاقات کا سوچ رہے تھے۔ آفتاب شیوداسانی نے کہا تھا کہ میری فلم پوائزن 2 کی شوٹنگ مکمل ہوگئی تھی اور میں لندن جانے کا سوچ رہا تھا۔ انہوں نے کہا تھا کہ جب کورونا کی تصدیق کی رپورٹ دیکھی تھی تو مجھے دھچکا لگا تھا، چند منٹس تک میں یہ نہیں جانتا تھا کہ اس پر کیا ردعمل دوں، میرے دماغ میں ہزاروں خیالات تھے۔ اداکار نے کہا تھا کہ میرا شیڈول متاثر ہونے جارہا تھا، ہم کورونا وائرس کے حوالے سے سنتے ہیں، بات کرتے اور پڑھتے ہیں لیکن جب تک خود کے ساتھ ایسا نہیں ہوتا ہے تب تک یہ خبر ہی ہوتی ہے۔ انہوں نے کہا تھا کہ آہستہ آہستہ میں نے خود کو سنبھالا اور اس کا مقابلہ کرنے کا فیصلہ کیا۔ اداکار کورونا وائرس کا شکار ہونے کے بعد ڈاکٹروں کی ہدایت کے مطابق گھر میں آئسولیشن میں تھے۔ آفتاب شیوداسانی نے یہ بھی کہا تھا کہ وہ فائٹر ہیں اور رہیں گے، ساتھ ہی انہوں نے بتایا تھا کہ وہ اسکرپٹس پڑھ رہے ہیں، ایک تھرلر اور دوسری ہارر فلم کے لیے ان کی بات چیت چل رہی ہے جن کی شوٹنگ ایک ماہ بعد شروع ہوگی۔

Sharing is caring!

Leave a Reply

Your email address will not be published. Required fields are marked *