شہری ہوجائیں تیار۔!!! محکمہ موسمیات نے مون سون بارشوں کی نوید سُنا دی

لاہور(ویب ڈیسک) محکمہ موسمیات نے رواں ماہ کے آخر میں مون سون بارشوں کی نوید سنا دی تاہم اس ہفتے شدید گرمی کے وار سہنا پڑیں گے۔ رواں ہفتے شدید گرمی تاہم رواں ماہ کے اختتام پر مون سون بارشوں کی نوید آ گئی، گزشتہ روز دن بھر چلچلاتی دھوپ اور تمازت کے بعد

شام کو تیز ہواؤں سے گرمی کا زور ٹوٹ گیا۔ باغوں کے شہر لاہور میں کہیں بارش اور کہیں رم جھم ہوئی، رواں ہفتے کے آخرمیں اسلام آباد، راولپنڈی، لاہور، سیالکوٹ، گجرات، گوجرانوالہ، جہلم، ہری پور، ایبٹ آباد، مظفرآباد سمیت ملک کے کچھ بالائی علاقوں اور تھرپارکر میں پری مون سون کی پہلی بارش کا امکان ہے۔ موسم کا حال بتانے والوں کے مطابق اس ہفتے بھی شدید گرمی کے وار سہنا پڑیں گے، ملک کے تمام میدانی علاقوں میں رواں ہفتے شدید گرمی پڑے گی۔ اس دوران بیشتر علاقوں کا درجہ حرارت 40 سے 45 سینٹی گریڈ تک جانے کا امکان ہے جبکہ پنجاب اور خیبر پختونخواہ میں ہیٹ انڈیکس 45 سینٹی گریڈ سے بڑھ جائے گا۔ محمکہ موسمیات نے مزید بتایا کہ پیر کے روز ملک کے بیشتر علاقوں میں موسم گرم اورخشک جبکہ سندھ، جنوبی پنجاب اور بلوچستان میں شدید گرم رہے گا۔ گذشتہ 24 گھنٹے کا موسم ملک کے بیشتر علاقوں میں موسم گرم اور خشک جبکہ وسطی اور جنوبی علاقوں میں شدید گرم رہا۔ تاہم بالاکوٹ 02، کالام اور لاہور (ائیر پورٹ )میں 01 ملی میٹر بارش ریکارڈ کی گئی ۔ آج ریکارڈ کیےگئےزیادہ سے زیادہ درجہ حرارت:سبی 47، دادو، موہنجوداڑو،نوکنڈی اورنورپورتھل میں 45 ڈگری سینٹی گریڈ ریکارڈ کیا گیا۔

Sharing is caring!

Comments are closed.